Intern

Es isch ruhig

sergey, 12.10.14, kommentiere ?

Und vo minere Siite wird sich a dem i de nöchste Wuche und Mönet au nöd sehr viel ändere.

D’Plattform wenn me denn so will, bliibt bestoh, es hät joo noo es paar anderi Persone doo wo chönd Biiträg verfasse. Ebeso verhaltet sich’s mit em Twitter Account.

Wenn neber Luscht hed das Treffe in e neui Arä z’führe, dörf er sich gern mit mir in Kontakt setze für wiiteri Informatione.

Ich danke all denne Lüüt won ich dank dem Treffe han dörfe kennelerne. Es isch für mich immer interessant und abwechsligsriich gsi mich mit all dene verschiedene Facette us em Ostschwiizer Lebe z’underhalte. Einigi werded mich sicher wiiterhin zwüschedine uf de Stroos oder anderne Treffpunkt i de Stadt atreffe oder gseh.

 

Intern

TwibiSG 2014

Witzelfitz, 12.12.13, 5 kommentär

Hallo mitenand

Do ich im Moment nöd würkli ziit ha zum was uf d bei stelle findet s nögste TwibiSG im Jahr 2014 statt.

S gnaue Datum wär de 9. Januar 2014

Ziit und Ort

19:00 im Papagei

Ich freu mich, wenn mer ab nögst johr wieder viel Lüt chöntet am TwibiSG begrüässe.

Danke, schöni Wiehnacht und en guete Rutsch

@Witzelfitz

Intern

Zwei Johr, ein Monet. 24 Treffe.

sergey, 13.02.13, kommentiere ?

Huch. Scho zwei Johr. Wenn mer nur di ‚offizielle‘ Treffe usenint sind das 24 gsi. Nice! Gern a dere Stell en Tweet:

D’Statistik bis do here: 71 Biiträg  i 4 Kategorie mit 109 Tags.423 Kommentär

536 Tweets und 115 Follower. Merci!

 

Intern

avatarday di viert [update]

sergey, 01.10.12, 10 kommentär

Also, liebi Fründ vo guätä Avatar Bilder. Es wär wieder sowiit. Also, bald. Ich möcht eu nur vorinformiere das mer au e Gruppe Ostschwiizer zemebringed wo de Weg uf Bern würd gfinde. DENN: Das Johr findet die Sause nur in Bern statt. El Capo (nei nid @capo42) sondern @pictura würd das gern als ei grossi Sause in Bern ufzieh. Find i guät, und find i schlecht. Aber lönd mer das.

Grossi wiiteri Informatione han i bis jetzt noo kei, ussert s’Datum: 24. November 2012. Falls es wiiteri Informatione über diä Siite git, werd ich de Biitrag uf em laufende halte. Drum: Sticky! 😉 Btw.: Wer hüt schoo weiss, das er würd gern wölle mitchoo denne (denke Bahn macht am meiste Sinn), söll sich doch i de Kommentär melde. Denn chönd mer was organisiere. 🙂

[update 10.11.12]

So, sit dere Wuche sind di offizielle Date dusse:

Wenn?
Samstig 24. November vom 1200 bis am 1800.

Wo?
Bureau Parterre
Lorrainestrasse 6a
3013 Bern

Abfahrt?
In St.Gallen ab Gleis 1 mit em IC 722 – 11:11
Uzwil ab 11:30
Wil ab 11:39
Winterthur ab 11:58
Zürich HB ab 12:32
Bern an 13:28

Intern

TwiBiSG Wochentagsumfrage – Ihr habt Entschieden!

Witzelfitz, 01.09.12, kommentiere ?

Ihr hend eu entschiede, somit wird s Twibi i nögster Ziit am Donnstig stattfinde!

Wer die ganz Übersicht gseh möchti dörf sich gern per PM bi mir @Witzelfitz melde 😉

Intern

Eis Johr – zwölf Treffe…

sergey, 13.01.12, kommentiere ?

…und noo viel meh. Wenn ich so zruggluege, falled mer zwei drü Sache ganz bsunders uf: Mer het viel neui Lüüt kenneglernt wo mer teilwiis au uf de Stross trifft. Und: Mer chan au de eint oder ander Event mache wo suscht nöd möglich wär.

Hüüt, vor genau eim Johr han ich das ‚Projekt‘ is Lebe gruefe. Am Tag druf den gad dä erscht Termin. Nüm lang, und dä Twitteraccount isch au eröffnet gsi. Am 7. Februar dän dä Launch vo dere Siite doo. Was sich agsamlet hät inzwüsched? Doo ä chlini Statistik:

  • 37 Artikel i 4 Kategorie mit 74 Tags
  • 263 genehmigti Kommentär (und 459 blockierti AntiSpamBee sei dank. ;))
  • 316 Tweets und 84 Follower (mehrheitlich us SG oder de Schwiiz)

Meh git’s nöd. Freu mich immer wieder neui Lüüt kenne z’lerne ame #TwibiSG oder notürli au uf de Stross z’treffe.

Und: Joo, es bestoht immer noo d’Möglichkeit au mol es #TwibiSG z’organisiere. Wer luscht oder freud dra het söll sich doch eifach churz bi mer melde. Merci.

Intern

Schöni Wienachte

sergey, 24.12.11, 1 kommentar

Klosterplatz

Wie schön doch Wienachte chönd sii.

Frohe Weihnachten

Joo, ich weiss, Wienachte gelted vielerorts als sehr stressig. Trotdem hoff ich, dass er die nöchste paar Täg chönd abschalte und d’Festtäg ohni jegliche Verpflichtige gnüsse.

Intern

Location’s

sergey, 19.04.11, 6 kommentär

So. Han mol äs paar Location’s gsammlet und bin jetzt über euri Meinig gspannt.

  • Bierfalken
  • August Bar
  • Spitalkeller
  • Savannah
  • US Mex

Intern

Location, location, location…

sergey, 28.02.11, 3 kommentär

Gemäss dem alten Grundsatz von Achmed:

„Location, location, location…“ wollt ich mal von euch wissen, was für gemütliche Orte Ihr in St.Gallen als Treffpunkt vorzieht. Natürlich dürfen auch Location’s ausserhalb von St.Gallen genannt werden, die Kornhausbräu in Rorschach steht auf jeden Fall schon mal auf der Liste der möglichen Treffpunkte… 😉 (Hat ja einen Bahnhof ziemlich in der Nähe… ;))

Intern

get started

sergey, 06.02.11, 6 kommentär

Passend zum Termin von dieser Woche launche ich heute schon mal die Webseite vom TwibiSG.

Ich hoffe denn auch das es kein Schnellschuss wird und die Seite noch ein wenig bestehen bleiben kann.

Somit ist sichergestellt das die Informationen nicht irgendwo zusammengesucht werden müssen, und die Termine immer als oberstes Topic kleben bleiben. (Bei mir drohen sie abzustürzen… ;))

Btw.: Vorerst werd ich mal bei Hochdeutsch bleiben, trotzdem ist die Seite schon uf Sanktgallerdütsch umgstellt worde… Hoffe alle finden sich zurecht.