Oha. Schoo isch’s fascht äs Johr wo mer üs regelmässig treffed. Die einte chli meh, die andere chli weniger. Aber wiä ich am Afang gseit han: Es isch niemer däzuä zwunge zum jedes Mol choo, ich selber bin joo au nöd jedes Mol gsi… 😉

Uf jede Fall han ich mer für dä Dezember was speziells überleit, und ich hoff, ehr händ Glühwii alli gern. 🙂

Wän?

Dä zweit Zistig im Monet Dezember, isch wiä schoo festgstellt am 13. Dezember.

Wo?

Mer treffed üs am Marktplatz, zum mol was anders als Bier z’trinke. 😉

Zii?

Zwüsched 1830 und 1900 werded mer bim Marktplatz sii, nochher gohts wiiter is Restaurant Marktplatz.

Ameldig?

Doo in Blog damit ich im Restaurant chan reserviere.

Und: Vilicht nöd vergesse: Es chönt chalt sii verusse, leged aso was warms a, nöd das es denn heisst i hegi nix gseit. 😉

Vier Mönet sind schoo fascht verbi sit em letschte mol Bluet spende. Und mer gönd gad wieder. Ich bin jetzt eifach so frech und setz gad än Termin fescht. 😉

Wän?

Vier Mönet noch äm 23. Juli wär dä 23. November. Da dän aber Mittwuch isch, gönd mer am 26.

Wo?

KSSG (Kantonsspitol SG) Huus 09

Ziit?

0830 treffed mer üs vor em Hauptigang. (Än Plan gits doo.)

Ameldig?

Eigentlich keini erforderlich, doch wär’s schön z’wüsse wer alles chunt. 😉

Und:

Vorher noo was liechts esse und viel trinke. Freu mi uf en gmuätliche Samstigmorge mit aschlüssende chline z’Morge im KSSG.

Wiiteri Informatione gits uf dä sehr übersichtliche Site vom Regionales Bluetspendezentrum SRK St.Gallen.