Ha doch denkt i mach mol en ufruef ah alli wo Bock hättend de Film Iron Sky im Kino gseh.
Er isch kurz vorlem letzte TwibiSG zur sproch cho via Capo und het mi den scho recht interessiert. Und den au nomol am Twibi vom 10.April.

I han eifachhalts halber en Doodle generiert wommer sich chan iträge wemmer luscht und lune het. Sicher gohts au via do im Blog oder via Twitter (döt glaubs am beschte direkt ah mi – sprich @serge_decker und nöd de @twibisg vollspamme ;)) I werds den eifach im Doodle nochträge mit em Username/Name wemmer sich usserhalb vu Doodle ahmeldet.

De Trend isch jetzt scho chli ersichtlich, wird sehr wohrschinlich Samstig de 14te April nur isch Frog wege de Ziit… Würd so gad vorschloh 18:45 oder 21:00 so dasmer nochher no chli zemme höckle und über de Film diskutiere chan.

Meh Infos zum Film findet ihr uf http://www.ironsky.net/ selber oder natürlich i de IMDb

Ahmeldeschluss isch am Fritig de 13. April um 23:59Uhr so das i den glich no chönnti reserviere…

Kurz zemmegfasst: Ahmelde via Doodle, Blog oder Twitter ah @serge_decker
Kino Cinedome St.Galle mit em Film Iron Sky
Ahmeldeschluss Freitag der Dreizehnte 23:59Uhr

Nei. Zumal joo de Fruälig jetzt definitiv doo isch.

Wän?

Dä zweit Zistig im Monet April isch de 10

Wo?

Im Kastaniehof in SG

Ziit?

Ab 1830

Ameldig?

Doo in Blog oder als Tweet a @twibisg

Und: Nix. Freu mi!

Joa. Nochdem di zweit ‚Uflag‘ letscht November chli is Wasser gheit isch, möcht ich das gern nomol probiere.

Wän?

21. April

Wo?

KSSG (Kantonsspitol SG) Huus 09

Ziit?

0830 treffed mer üs vorem Hauptigang. (Plan)

Ameldig?

Grundsätzlich keini Erforderlich, wär aber schön z’wüsse öb näber däbi isch.

Und:

Vorher noo was liechts ässä und viel trinke.

Freu mi uf en gmuätliche morge mit aschlüssendem z’Morge.

Wiiteri Informatione gits uf de Siite vom Regionale Blutspendezentrum SRK St.Galle.

Okay. Probiered mer mol ä Terminasag uf St.Gallerdütsch. 😉

Nochdem dä letscht Biitrag joo wieder uf Hochdütsch gsi isch, probier i jetzt mol us dem Muster usechoo… 😛

Also, folgendermasse: Da sich letschtmol Stimme breit gmacht hend, wo gseit hend mer sölled doch im April ad Offa goo, han ich mer das zu härzä gnoo und mol rasch än Termin usegsuächt. (Aso dä Termin stoht joo eigentlich schoo, jetzt fählt nur noo dä rescht… ;))

Wän?

Dä zweit Zistig im Monät April wär dä 12.

Wo?

Und doo wird’s jetzt schwierig. Da ich nöd selber a dä Offa än Stand han, chan ich eu joo au nöd ilade. Zudem wird das ganze no biz verschärft durch mini abweseheit. Aber säb dörfti weniger ä Rolle spile. 😉

Würd sägä als Treffpunkt nämed mer: Restaurant Röstipfanne

Wer denn no a d’Offa witerwoot chan das vor Ort mit dä anderne organisiere, so isch sichergstellt das mer sich inere gmuätliche Rundi chan treffe und nimmert däzuä zwunge wird äs Ticket für d’Offa z’chaufe wo das nid will.

Ziit?

1830 isch än subere Termin, do däbi blibed mer.

Wer?

Äs döred sich all melde. Aso cho, eigentli, sowiit. 😉 I glaub dä speziell ufruäf ad Fraue muäs i nüm mache, het jetzt hoffentli gnuäg eigedynamik däbi… 😉

Ameldig?

Wiä immer do im Blog bitte. Somit chan i für eu d’ameldig im Restaurant mache damit er gnuäg Platz hend…

Und: Es stoht immer no d’Möglichkeit offe das sich nebert, oder zwei bi mer chönd melde wo au mol än Termin wönd uf d’Bei stelle. 😉

UUnd: Wie obe schoo erwähnt muäs ich mich gad schoo mol diskret vo däm #TwibiSG abmelde. Mich verschlohts eimol churz id Region Bern für s’liäbä Vaterland.