zrugg gluägt

wohlig warm

sergey, 15.02.13, kommentiere ?

Isch äs gescht gsi. (Zumal’s dusse jo realtiv chüäl gsi isch… ;))

Di flotti Rundi isch bsetzt gsi mit @bitzgi1, @kopfchaos, @swissphoenix_li (extra us Basel agreist, merci für dä Bsüäch!!!), @ScacchiSL, @Hausdrache2, @Witzelfitz und dä neuä i dä Rundi @malaika_14. (Und notürli mini wenigkeit… ;))

Ich würd mol sege, mer verschlepped nöd alles wo gescht über dä Tisch gange isch (und vilicht au dä Weg uf Twitter gfunde hät… ;)) do ane. :)Cool gsi, ha selte so glachet bime #TwibiSG. Merci!

Termin

quo vadis

sergey, 02.01.13, 4 kommentär

Mit eme Streifzug dur d’Stadt SG hend mer üses Wuchenend mol agfange. Eifach will mer näbis hend welle go esse. Debi sind mer a mehrere Restaurant verbizogge wo sehr iladend usgseh hend. Wieso ich eu das jetzt verzelle? Mer lueged jetzt mol öb au würkli eis vo dene Lokal iladend isch und üs guätä Service zuächo loht. 😉

Wän?

Dä zweit Dunnstig im Januar isch dä 10.

Wo?

Im Restaurant zum Goldenen Schäfli i de Metzgergass 5

Ziit?

Wie immer ab em 1830. (S’Restaurant öffnet ersch am 1800 sini Tüür wieder, aso ned z’fruä det si… ;))

Ameldig?

Wie immer do in Blog oder als Tweet a @twibisg

Und: Astosse uf s’neue Johr, das wär doch näbis? 😉

Allgemeins

Twitterrückblick

sergey, 14.11.12, 1 kommentar

Jo, dasmol (für dä letscht Donnstig) mached mer das mol andersch. Di guät @bitzgi1 het zu ziemlich jedem Thema wo agschnitte worde isch en Tweet veröffentlicht. Es paar usgwählti jetzt doo:

Denke es isch e cooli rundi gsi. Bis zum nöchste mol! 🙂

Termin

#TwibiSG goes #OASG12

sergey, 13.06.12, 15 kommentär

Let’s do it again. Ich bin jetzt eifach mol so frech und ruäf es wiiters mol däzuä uf: Twitterer vo St.Galle (und vilicht au wiiter her, wer weiss) mer wend üs wieder am Open Air SG treffe.

Treffpunkt?

Ich denke, de Samstig (30. Juni) am drü (15 Uhr) bim Jack Daniels isch guät gsi, lönd mer soo. (Sötts doo däzuä gegevorschläg geh, dör mer sich gern i de Kommentär melde. ;))

Ich hoffe jetzt mol druf das mer wieder sehr zahlriich werded vertrete sii, und das wieder irgend öpis Intressants uf üs wartet… 😉 (@marcel_baur / @aditheeagle)

Und noo ä Amerkig zu Schluss: Dasmol dörftis au bi mer klappe mit em Treffe, schliesslich isch joo min Chef au däbi. (Hoff ich doch zmindst… ;))

Wer sich sicher isch das er chan choo, söll sich doch rasch i de Kommentär melde… 😉

Termin

Ein TwikiSG mit Iron Sky

sergey, 11.04.12, 5 kommentär

Ha doch denkt i mach mol en ufruef ah alli wo Bock hättend de Film Iron Sky im Kino gseh.
Er isch kurz vorlem letzte TwibiSG zur sproch cho via Capo und het mi den scho recht interessiert. Und den au nomol am Twibi vom 10.April.

I han eifachhalts halber en Doodle generiert wommer sich chan iträge wemmer luscht und lune het. Sicher gohts au via do im Blog oder via Twitter (döt glaubs am beschte direkt ah mi – sprich @serge_decker und nöd de @twibisg vollspamme ;)) I werds den eifach im Doodle nochträge mit em Username/Name wemmer sich usserhalb vu Doodle ahmeldet.

De Trend isch jetzt scho chli ersichtlich, wird sehr wohrschinlich Samstig de 14te April nur isch Frog wege de Ziit… Würd so gad vorschloh 18:45 oder 21:00 so dasmer nochher no chli zemme höckle und über de Film diskutiere chan.

Meh Infos zum Film findet ihr uf http://www.ironsky.net/ selber oder natürlich i de IMDb

Ahmeldeschluss isch am Fritig de 13. April um 23:59Uhr so das i den glich no chönnti reserviere…

Kurz zemmegfasst: Ahmelde via Doodle, Blog oder Twitter ah @serge_decker
Kino Cinedome St.Galle mit em Film Iron Sky
Ahmeldeschluss Freitag der Dreizehnte 23:59Uhr

zrugg gluägt

Lazerfun – Rückblick

Witzelfitz, 12.03.12, kommentiere ?

Hey zemä ! 😉

Zerst mal es dicks Entschuldigung, dass es so lang gange isch bis ich dä Post do anebrocht han. Isch irgendwiä Total untergange! Aber morn isch joh Twibi und den hani denkt muess das schono vorher use! (Versuech mich mal im Dialekt schriebe^^)

Wie ihr wüsset, hämmer joh es Lazerfun Turnier veranstaltet!

Details do:

https://twibisg.ch/2012/01/1-ostschweizer-twitter-lazerfun-turnier/

https://twibisg.ch/2012/02/1-ostschweizer-twitter-lazerfun-turnier-durchfuhrung/

 

Das isch jetzt dä Abschlüssend Post wo d Rangverlesig vorgnoh wird! 😀 Nurna en churze Rückblick! Es het saumässig spass gmacht zum Lazerfun mal z usprobiere! S Instruktionsvideo isch zwar chli lustig gsi, aber s Spiel isch doch eigetlich liecht verständlich 😉

Also chöme mer zum Grosse Moment! D Rangverlesig! (Ich han mich mal us dä Wertig usekickt)

1. Rang goht ah! *Trommelwirbel*

@iteconomy – Herzlichi Gratulation

2. Rang gooht ah! *Trommelwirbel*

@andreas_bolli – Herzlichi Gratulation

3. Rang gooht ah! *Trommelwirbel

@rynam – Au do, Herzlichi Gratulation

Wer gern die ganz Rangliste gseh will –> http://goo.gl/MJPCs

Noh en churze Blick id Zuekunft:

In nöchster Ziit fangt d Planig vom 1. Ostschwiizer Twitter Brett- und Kartespiel obig ah! (Ade näme muessi noh es bitzli schaffe^^)

 

Bi Froge oder Wünsch oder Korrekture, schriebet ihr eifach en Kommentar oder uf Twitter 😉

 

Liebi Grüäss

@Witzelfitz

 

Allgemeins

Sie bruched understützig.

sergey, 21.02.12, 2 kommentär

Gescht dä Status vom @_AlexArnold uf Facebook gseh.

Gseit, gmacht. Doo dä Link: http://bit.ly/wsvUBa zum Dokument wie mer d’Pirate SG/AR/AI understütze chan.

Und damit mer dä Alex und dä @marcel_baur au noo i de Ziitig gsend (für diä wo kei 20min gseh händ hüt) und wie sie sich ime Podiumsgspröch schlönd.

Termin

Investieren? – Ja.

sergey, 09.10.11, 11 kommentär

Mit dem Tweet vo letscht Wuche vo dä @misslavender81 bin ich uf militaerkantine.ch ufmerksam worde.

Ich find: Mer söt das unterstütze und das Lokal glichziitig zumä lokale Treffpunkt für Twitterer mache.

Au wenn das langwilig tönt, immer und immer wieder is gliche Lokal z’go, bringts trotzdem en gwüsse Halt. Neui Twitterer wüssed denn genau wo das di alte Hase z’gfinde sind, und mer erlichtered ihne so dä Istieg i dä Bereich vom Social Media.

Was natürlich nöd heisse will das mer anderi Lokal nöd zum Zug choo lönd, noo stönd dä Bsuech bi dä biergarage uf em Terminplan, oder au min schoo lang Akündigte Bsuech i dä Kornhausbräu in Rorschach han ich nöd vergesse.

Drum dän nöchst Termin:

Wän?

Dä zweit Zistig im Monet Oktober isch dä 11.

Wo?

Kastaniehof

Ziit?

Ab 1830

Ameldig?

Doo in Blog damit ich bis am Zistigmittag chan reserviere.

Und: Joo, i weiss bin liecht verspötet dra. Hanget wohl am meiste demit zämä das die letschte zwei Wuche wieder mol äs biz mee vo mer gforderet händ als ich denkt han, und ich drum schlichtweg kei Ziit für än Post gha han. Kei Entschuldigung, aber än Versuäch.

Uund: Es würd mich freue, wenn trotz de relativ spoote Akündigung meh als eis zwei Lüüt chämted… 😉

Allgemeins

Next Round

sergey, 30.08.11, 15 kommentär

Joo, i weiss, eigentlich isch joo än Lokalwechsel gforderet worde. Aber s’esse isch guät, und da ich d’feststellig gmacht han, das än Lokalwechsel schlecht isch wenn ich nöd ume bin belönd mer das für äs wiiters mol ä soo.

Wän?

Dä zweit Zistig im Monet September isch dä 13.

Wo?

Kastaniehof

Ziit?

Ab 1830

Ameldig?

Doo in Blog, damit mini Stellvertretig @Witzelfitz alles chan sammle. Termin isch dä 12.9. 2400

Und: Jap. Ich schaffs wieder e mol. Glorricherwiis ruck ich am sebe Tag (13.9) zum WK uf Andermatt i. Ehr werded dä Obig also ohni mich döre verbringe… 😉 (Däfür mit Stellvertretig @Witzelfitz… ;))

Allgemeins

#TwibiSG tuät öpis guäts…

sergey, 18.07.11, 5 kommentär

…grad hüt im Radio ghört. Es fehlt a Bluät i dä ganzä Schwiiz.

Wenn ich so drüber noodenk: Min letschte Bsuäch bim Bluetspendezentrum isch au schoo länger her.

Drum di churzi Umfroog vo mer: Het wer luscht beziehgswiis Intresse dra ame Obig / Samstigmorge sis Bluät goo spende goo? Eifach churz doo i dä Kommentär melde, dän chönd mer was organisiere. (Au wenn bi mer diä Wuchä schoo völlig verplant isch. 😉 Di nöchst chunt bestimmt… ;))

Update:

Mer gönd dä Samstig goo Bluätspende. Wer sich üs will aschlüsse: 08:30 vor em Huus 09 KSSG.

...was witer vorne gschribe isch...