Termin

De nöchst Termin…

sergey, 29.09.12, 5 kommentär

…liit, und di fliige Olmagänger under dä #TwibiSG Bsuächer werded’s schoo erahne, am Donnstig vo de eröffnig vo de Olma.

Nichts desto trotz wönd mer für de Termin e Akündigung mache, und luägä das mer es paar Lüüt zemebringed.

Wän?

Dä zweit Donnstig im Monet Oktober isch de 11.

Wo?

Mer werded üses Glück wieder im National versuche.

Ziit?

Ab 1830

Ameldig?

Doo in Blog oder als Tweet a @twibisg

zrugg gluägt

Lieber spoot als nie.

sergey, 16.09.12, 1 kommentar

En churze Review zum Treffe vom letschte (1.) Donnstig.

Durch ‚kei‘ Reservation realtiv engi Platzverhältnis, aber das löst MANN natürli gekonnt. 😉

Über Apple und d’Welt (noch de revolutionäre Ifüärig vom iPhone5) mit de Froog noch ‚6×5‘, Reise mit Flugerlebnis und anderne komische Storys.

Vo einige han ich noher noo ghört das es bim letschte mol lustiger gsi segi. Möglich. Aber es chunt immer uf d’Dynamik und Verfassig vo de Gruppe druf a. Mol isch es so, mol isch es andersch. Hauptsach es hend all freud dra.

Churz zu de Teilnehmer: @capo42, @kopfchaos, Miss unbekannt… ;), @danielbrack, @bitzgi1, @klisesspinnerli, @djsojus, @chnoxis und mini wenigkeit.

Termin

Uf zu neue Horizont

sergey, 01.09.12, 8 kommentär

Gemäss aktuelle Informatione wird dä Kastaniehof sini Tor schlüsse. Leider. Drum sind mer schoo jetzt uf dä Suächi noch eme neue Lokal. Und fündig worde bin i bim National. Eventuell dörfti das em einte oder andere St.Galler en Begriff sii.

Z’finde, für diä wo s’Lokal noo ned kenned isch es a de Schmiedgass 30. (Höchi Laurenzechirche vo dä Multergass her links. Mer lauft direkt dra here. :))

Wän?

Dä zweit Donnstig im Monet September isch dä 13.

Wo?

Wie bereits gseit: National (Zum goldige Leu)

Ziit?

Ab em 1830

Ameldig?

Doo in Blog oder als Tweet a @twibisg

Intern

TwiBiSG Wochentagsumfrage – Ihr habt Entschieden!

Witzelfitz, 01.09.12, kommentiere ?

Ihr hend eu entschiede, somit wird s Twibi i nögster Ziit am Donnstig stattfinde!

Wer die ganz Übersicht gseh möchti dörf sich gern per PM bi mir @Witzelfitz melde 😉