Termin

De nöchst Termin…

sergey, 29.09.12, 5 kommentär

…liit, und di fliige Olmagänger under dä #TwibiSG Bsuächer werded’s schoo erahne, am Donnstig vo de eröffnig vo de Olma.

Nichts desto trotz wönd mer für de Termin e Akündigung mache, und luägä das mer es paar Lüüt zemebringed.

Wän?

Dä zweit Donnstig im Monet Oktober isch de 11.

Wo?

Mer werded üses Glück wieder im National versuche.

Ziit?

Ab 1830

Ameldig?

Doo in Blog oder als Tweet a @twibisg

zrugg gluägt

Ein Herbstabend

sergey, 11.10.11, 1 kommentar

Leider nöd zum dusse sitze.

Trotzdem händ mer @kopfchaos, @rynam, @_annubis_, @bitzgi1, @witzelfitz, @zgeniko, @andreas_bolli, @KlisesSpinnerli und @serge_bosshard innere gmuätliche Rundi dä Obig gnosse und viel diskutiert, Sache abgmacht und grätslet. iPhone App’s usprobiert und gwartet bis dä Inhalt glade worde isch. (Nerd und Geek halt… ;))

Anbei bemerkt: S’esse isch (obwohl relativ spoot choo) sehr guät gsi. Gratulation a dere Stell id Chuchi.

Termin

Investieren? – Ja.

sergey, 09.10.11, 11 kommentär

Mit dem Tweet vo letscht Wuche vo dä @misslavender81 bin ich uf militaerkantine.ch ufmerksam worde.

Ich find: Mer söt das unterstütze und das Lokal glichziitig zumä lokale Treffpunkt für Twitterer mache.

Au wenn das langwilig tönt, immer und immer wieder is gliche Lokal z’go, bringts trotzdem en gwüsse Halt. Neui Twitterer wüssed denn genau wo das di alte Hase z’gfinde sind, und mer erlichtered ihne so dä Istieg i dä Bereich vom Social Media.

Was natürlich nöd heisse will das mer anderi Lokal nöd zum Zug choo lönd, noo stönd dä Bsuech bi dä biergarage uf em Terminplan, oder au min schoo lang Akündigte Bsuech i dä Kornhausbräu in Rorschach han ich nöd vergesse.

Drum dän nöchst Termin:

Wän?

Dä zweit Zistig im Monet Oktober isch dä 11.

Wo?

Kastaniehof

Ziit?

Ab 1830

Ameldig?

Doo in Blog damit ich bis am Zistigmittag chan reserviere.

Und: Joo, i weiss bin liecht verspötet dra. Hanget wohl am meiste demit zämä das die letschte zwei Wuche wieder mol äs biz mee vo mer gforderet händ als ich denkt han, und ich drum schlichtweg kei Ziit für än Post gha han. Kei Entschuldigung, aber än Versuäch.

Uund: Es würd mich freue, wenn trotz de relativ spoote Akündigung meh als eis zwei Lüüt chämted… 😉