zrugg gluägt

wohlig warm

sergey, 15.02.13, kommentiere ?

Isch äs gescht gsi. (Zumal’s dusse jo realtiv chüäl gsi isch… ;))

Di flotti Rundi isch bsetzt gsi mit @bitzgi1, @kopfchaos, @swissphoenix_li (extra us Basel agreist, merci für dä Bsüäch!!!), @ScacchiSL, @Hausdrache2, @Witzelfitz und dä neuä i dä Rundi @malaika_14. (Und notürli mini wenigkeit… ;))

Ich würd mol sege, mer verschlepped nöd alles wo gescht über dä Tisch gange isch (und vilicht au dä Weg uf Twitter gfunde hät… ;)) do ane. :)Cool gsi, ha selte so glachet bime #TwibiSG. Merci!

Intern

Zwei Johr, ein Monet. 24 Treffe.

sergey, 13.02.13, kommentiere ?

Huch. Scho zwei Johr. Wenn mer nur di ‚offizielle‘ Treffe usenint sind das 24 gsi. Nice! Gern a dere Stell en Tweet:

D’Statistik bis do here: 71 Biiträg  i 4 Kategorie mit 109 Tags.423 Kommentär

536 Tweets und 115 Follower. Merci!

 

Termin

nöd noorede

sergey, 31.01.13, 5 kommentär

Wie gseit, hend dä @kopfchaos und i üs öpis überleit für dä nöchst Treffpunkt.

Wän?

Dä zweit Dunnstig im Februar isch dä 14.

Wo?

Mer wend äs neus Lokal usprobiere. Und zwor dä Papagei i de Hinterlaube 4 (noch em Weltbild rechts).

Ziit?

Wie immer ab em 1830.

Ameldig?

Wie immer do in Blog oder als Tweet a @twibisg.

zrugg gluägt

zuletzt

sergey, 11.01.13, kommentiere ?

Eigentli möcht i nöd z’lang werde. Gescht hend dä @kopfchaos und i vertüffti Gspröch über verschideni Theme gfüärt. Eis devo isch au d’Standortwahl vom @twibisg gsi. Und: Mer sind uf en riifende Zwiig cho. Öb er schliesslich und endlich gruän wird isch e anderi Froog wo mer bim nöchste Treffe werded klärä. Drum: Stay tuned!

Termin

quo vadis

sergey, 02.01.13, 4 kommentär

Mit eme Streifzug dur d’Stadt SG hend mer üses Wuchenend mol agfange. Eifach will mer näbis hend welle go esse. Debi sind mer a mehrere Restaurant verbizogge wo sehr iladend usgseh hend. Wieso ich eu das jetzt verzelle? Mer lueged jetzt mol öb au würkli eis vo dene Lokal iladend isch und üs guätä Service zuächo loht. 😉

Wän?

Dä zweit Dunnstig im Januar isch dä 10.

Wo?

Im Restaurant zum Goldenen Schäfli i de Metzgergass 5

Ziit?

Wie immer ab em 1830. (S’Restaurant öffnet ersch am 1800 sini Tüür wieder, aso ned z’fruä det si… ;))

Ameldig?

Wie immer do in Blog oder als Tweet a @twibisg

Und: Astosse uf s’neue Johr, das wär doch näbis? 😉

Termin

Weihnachtstwibi

Witzelfitz, 24.11.12, 12 kommentär

Hey Zemmä!

Im Dezember findet s letschte TwibiSG vo dem Johr statt!!!

Mer würdet üs freue, wenn alli ziit fändet, zum cho!

Wann:  13. Dezember 2012, 18:30

Wo: Dekolounge

Wieso: Weil s TwiBiSG eifach genial isch!

Also Leute, meldet eu ufem Blog oder uf Twitter ah!

So long

@Witzelfitz

Update: Werbefilm!

Allgemeins

Twitterrückblick

sergey, 14.11.12, 1 kommentar

Jo, dasmol (für dä letscht Donnstig) mached mer das mol andersch. Di guät @bitzgi1 het zu ziemlich jedem Thema wo agschnitte worde isch en Tweet veröffentlicht. Es paar usgwählti jetzt doo:

Denke es isch e cooli rundi gsi. Bis zum nöchste mol! 🙂

Termin

Eimol skandinavisch

sergey, 02.11.12, 10 kommentär

Vilicht kennts de eint oder ander. Wer’s nöd kennt, wirds kennelerne.

Wän?

Dä zweit Donnstig im Monet November isch dä 8.

Wo?

ØYA Bar und Kafé. Liit a de Schwertgass 27. (Vom Marktplatz richtig Bank Notestei laufe, direkt bi de Bank links abe. Liit noch ca. 150m uf de rechte Siite und isch zimli guät abgschriibe. :))

Ziit?

Ab em 1830

Ameldig?

Doo in Blog oder als Tweet a @twibisg

Und: Leider isch es so das es ab em sechsi i dem Lokal leider nix meh z’ässä git. Dem bin ich mer bewusst, würd aber gern trotzdem dem schöne Lokal en Bsuech abstatte.

Termin

Grunze statt Zwitschere

Witzelfitz, 09.10.12, kommentiere ?

Genau! Richtig glese d Olma stoht wieder vor de Türe!

Und weil döt d Sauerenne so berüähmt sind grunze mer doch einmal zemme. Zwitschere chömer de Rest vom Johr gnueg 😉

Churz nah d Date für s TwiBiSG ade Olma:

Datum

16. Oktober

Uhrziit

17:00

Treffpunkt

Markplatz

Dress-Code

Es Sauekostüm. (Wenn nid vorhande chönder de Dress-Code vergesse)

Amelde wie immer do ufem Blog, oder eifach am @TwiBiSG Account was uf Twitter melde 😉

Euen @Witzelfitz

Intern

avatarday di viert [update]

sergey, 01.10.12, 10 kommentär

Also, liebi Fründ vo guätä Avatar Bilder. Es wär wieder sowiit. Also, bald. Ich möcht eu nur vorinformiere das mer au e Gruppe Ostschwiizer zemebringed wo de Weg uf Bern würd gfinde. DENN: Das Johr findet die Sause nur in Bern statt. El Capo (nei nid @capo42) sondern @pictura würd das gern als ei grossi Sause in Bern ufzieh. Find i guät, und find i schlecht. Aber lönd mer das.

Grossi wiiteri Informatione han i bis jetzt noo kei, ussert s’Datum: 24. November 2012. Falls es wiiteri Informatione über diä Siite git, werd ich de Biitrag uf em laufende halte. Drum: Sticky! 😉 Btw.: Wer hüt schoo weiss, das er würd gern wölle mitchoo denne (denke Bahn macht am meiste Sinn), söll sich doch i de Kommentär melde. Denn chönd mer was organisiere. 🙂

[update 10.11.12]

So, sit dere Wuche sind di offizielle Date dusse:

Wenn?
Samstig 24. November vom 1200 bis am 1800.

Wo?
Bureau Parterre
Lorrainestrasse 6a
3013 Bern

Abfahrt?
In St.Gallen ab Gleis 1 mit em IC 722 – 11:11
Uzwil ab 11:30
Wil ab 11:39
Winterthur ab 11:58
Zürich HB ab 12:32
Bern an 13:28

...was witer vorne gschribe isch... ...was witer hine gschribe isch...