Hey Zemmä!

s nögst Twibi stoht ah und das würd dasmol wieder im Kastaniehof stattfinde.

Churz und bündig alli details

Wän?

Dä zweit Zistig im Monet August isch de 14

Wo?

Im Kastaniehof in SG

Ziit?

Ab 1830

Ameldig?

Doo in Blog oder als Tweet a @twibisg

Beni

Wohl dä schönscht Strand i dä Ostschwiiz! Füüf unerschrockeni Twitterer (und ein nicht Twitterer… ;)) hend Tiki Strandbar unsicher gmacht am Zistig.

Feststellig: Sehr schöns Plätzli am wohl schönschte See vo dä Schwiiz (oder Welt?), leider kei WLAN… :P, s’OpenAir SG isch noo immer Thema und bi schönem Wetter wärs gad nomol um länge schöner… 😉

Mit vo de Party: @bitzgi1, @KlisesSpinnerli, @capo42, @rynam, Noxis und mini wenigkeit. 🙂

Seged eu eis versichered: Mer gönd wieder mol, aber denn bitte mit es biz meh Lüüt! 😉

Leider isch s’OpenAir St.Galle schoo wieder verbi. Aber: Noch em OpenAir isch vor em OpenAir. 😉 (Zumindest für äs paar vo üs, anderi sind momentan glaub gad froh isch es dure. ;)) Wenn mer das Weekend will Revue passiere loo wird’s schwer, aber ich denke mer hend mit em dasjöhrige Twitteralas wiederum bliibendi Erinnerige gsetzt. Teilnehmer am #twibisg goes #oasg12 vo dem Johr: @andreamima @tagamsee @capo42 @marcel_baur @gwundrig @ArtFreaK__ @LukiSami und mini (@serge_bosshard) Wenigkeit.

Danke am @marcel_baur für s’organisiere vo dere super Location! 😉 Mer freued üs uf nöchst Johr!

Ich will ned bi heiterem Sunneschii dä Obig innere Beiz verbringe. Drum: Ab an Strand! Aber wo, werded Ihr eu jetzt frooge. Ganz eifach: Tiki Strandbar in Goldach!

Als erschts: D’Charte, da mer sowieso ä neus Fenster muäs uftuä als Link. Und jetzt d’Beschriebige däzuä!

A -> Mögliche Parkplatz am See. (Git uf de Höchi vo B nebed de Gastänk nomol eine)
B -> Standort vo de Tiki Strandbar.
C -> Bushaltestell Rietbergstrasse
D -> Haltestell Rorschach Hafen SBB (z’Fuäss guät erreichbar)
E -> Haltestell Goldach SBB (vom Bahnhof aus via Hauptstrasse – Schulstrasse und Rietbergstrasse isch d’Strandbar guät erreichbar.)

Wän?

Dä zweit Zistig im Monet Juli isch dä 10.

Wo?

Wie bereits gseit: Tiki Strandbar in Goldach.

Ziit?

Ab 1830

Ameldig?

Doo in Blog oder als Tweet a @twibisg

Alternative!

Die Alternative tritt erscht i wenn am gliche Tag würd akündiget werde das d’Strandbar ned offe isch, somit würded mer üs i dä Kornhuusbräu treffe. Ich setz jetzt aber druf das es schön isch a dem Tag. 😉

Let’s do it again. Ich bin jetzt eifach mol so frech und ruäf es wiiters mol däzuä uf: Twitterer vo St.Galle (und vilicht au wiiter her, wer weiss) mer wend üs wieder am Open Air SG treffe.

Treffpunkt?

Ich denke, de Samstig (30. Juni) am drü (15 Uhr) bim Jack Daniels isch guät gsi, lönd mer soo. (Sötts doo däzuä gegevorschläg geh, dör mer sich gern i de Kommentär melde. ;))

Ich hoffe jetzt mol druf das mer wieder sehr zahlriich werded vertrete sii, und das wieder irgend öpis Intressants uf üs wartet… 😉 (@marcel_baur / @aditheeagle)

Und noo ä Amerkig zu Schluss: Dasmol dörftis au bi mer klappe mit em Treffe, schliesslich isch joo min Chef au däbi. (Hoff ich doch zmindst… ;))

Wer sich sicher isch das er chan choo, söll sich doch rasch i de Kommentär melde… 😉

Hey Zemmä!

Am 12.06.2012 ischs nögste TwibiSG!

Leider chan ich und de Serge nid cho, aber ich werd für eu natürli reserviere.

Hammer denkt nochdem mer letschtmal was neus usprobiert hend chamer dasmol guet wieder zum altbewährte zruggfinde 😉

Wän?

Dä zweit Zistig im Monet Juni isch de 12

Wo?

Im Kastaniehof in SG

Ziit?

Ab 1830

Ameldig?

Doo in Blog oder als Tweet a @twibisg

Wenner chli länger verhogge würdet, chönti evlt no vorbi güggsle 😉

Beni

Id Taschte und los!

Um was gohts?

Dä @djsojus möchti gern Uszeichnige au a Otto Normal Bürger uf Twitter verteile. Gseit, gmacht. Via shitawards.ch werded Ihr über de aktuell Stand informiert.

Wie funktionierts?

Eifach än Tweet mit em Kandidat für e Kategorie (nochfolgend) und em Hashtag #shitawards schicke, fertig!

Kategorie?

Voila:

Wurst des Jahres
Timeline Vollmüller
Linkschleuder des Jahres
Newcomer des Jahres
Fettnäpfchen des Jahres
Troll des Jahres
Out of this World
Most Shameless Self Promoter
Klugscheisser
MegaEgo

Special: Stachanov-Preis (Twitterer des Jahres)

Nomination isch offe! 😉

Hoi zemmä!

De @serge_bosshard hät mich bette dasmol s #TwibiSG z organisiere, da er dasmol leider nid chan däbi sie.

Ich han mer denkt, mer chöntet mal es neus Lokal usprobiere! (Falls mini Wahl eu überhaupt nöd pässle wür, dänn chönte mer nomol drüber diskutiere wommer ane wönd :P)

Also do d Date:

Wen

Wie immer am 2. Zistig im Monet, also am 8. Mai.

Ziit

1830 – Mer dörf au früäner döt sie!

Wo

Ich wür wür vorschloh, dass mer mal is Da Slainte Inn gönd. Es cools Irish Pub wommer au Guinness und Whiskey chan trinke!
Falls ihr jetzt mehrheitlich degege währet, würdi als Uswichlokal gern d Brasserie nohelege. (Wie gseit eifach euri Meinig mitteile 😉 )

Last but not least – Ameldig

Ameldig wie immer ufem Blog selber oder uf Twitter!

Hey zemmä!

Do ich dä Film umbedingt go luege go will und ich mir denkt ha, dass es sicher au lüt under eu git wo dä film go luege gönd, hani mir denkt ich frog mal id Rundi wer so mit mir mitcho wür!

Für dä Zweck hani mal en Doodle wo mer sich ganz eifach cha iträge.

Wennmer zwei drü Lüt zemme bringet reserviere für alli und mer chönd ganz entspannt ist Kino go!

Falls öpper nah nix vodem Film ghört het do dä Trailer:

Wür mi natürli freue wenn es paar Mitchämtet!

Ha doch denkt i mach mol en ufruef ah alli wo Bock hättend de Film Iron Sky im Kino gseh.
Er isch kurz vorlem letzte TwibiSG zur sproch cho via Capo und het mi den scho recht interessiert. Und den au nomol am Twibi vom 10.April.

I han eifachhalts halber en Doodle generiert wommer sich chan iträge wemmer luscht und lune het. Sicher gohts au via do im Blog oder via Twitter (döt glaubs am beschte direkt ah mi – sprich @serge_decker und nöd de @twibisg vollspamme ;)) I werds den eifach im Doodle nochträge mit em Username/Name wemmer sich usserhalb vu Doodle ahmeldet.

De Trend isch jetzt scho chli ersichtlich, wird sehr wohrschinlich Samstig de 14te April nur isch Frog wege de Ziit… Würd so gad vorschloh 18:45 oder 21:00 so dasmer nochher no chli zemme höckle und über de Film diskutiere chan.

Meh Infos zum Film findet ihr uf http://www.ironsky.net/ selber oder natürlich i de IMDb

Ahmeldeschluss isch am Fritig de 13. April um 23:59Uhr so das i den glich no chönnti reserviere…

Kurz zemmegfasst: Ahmelde via Doodle, Blog oder Twitter ah @serge_decker
Kino Cinedome St.Galle mit em Film Iron Sky
Ahmeldeschluss Freitag der Dreizehnte 23:59Uhr