Allgemeins

#twuplu & #twibisg goes #jrz11

sergey, 13.12.11, 2 kommentär

Joo, für eimol bin nöd ich dä wo was azettlet. 😉

In Luzern lauft die Wuche jrz.ch, wän das mol nöd prädestiniert isch für ä chlises TweetUp. Gseit, gmacht. Dä @dagerber het id Taste griffe und sich ä chlises aber feins Programm für üs überleit.

Was? Wie? Wenn? Wo?

Twuplu am Donnstig 15.12.11 in Luzern. St.Galle ab mit em Zug 16:48 ab Gleis 2 in Luzern Treffpunkt a de Seebrugg (Lageplan), noher gang durch de Christkindl Markt im Bahnhof in Luzern und am Schluss zu de Glasbox. Glüehwii und Raclett söled das ganze abrunde.

Meh Infos gits doo: twuplu.tk.

So. Und damit ich nöd älei uf Luzern inegondle, wär’s gmüätlich wenn noo dä eint oder ander mitchoo würdi. 🙂 Melded eu doch rasch bi mer falls ehr noo meh Infos bruched. (So am Rande: Es het noo Tages-GA bi dä Stadt St.Galle für 42.- Fr. ;))

Allgemeins

Next Round

sergey, 30.08.11, 15 kommentär

Joo, i weiss, eigentlich isch joo än Lokalwechsel gforderet worde. Aber s’esse isch guät, und da ich d’feststellig gmacht han, das än Lokalwechsel schlecht isch wenn ich nöd ume bin belönd mer das für äs wiiters mol ä soo.

Wän?

Dä zweit Zistig im Monet September isch dä 13.

Wo?

Kastaniehof

Ziit?

Ab 1830

Ameldig?

Doo in Blog, damit mini Stellvertretig @Witzelfitz alles chan sammle. Termin isch dä 12.9. 2400

Und: Jap. Ich schaffs wieder e mol. Glorricherwiis ruck ich am sebe Tag (13.9) zum WK uf Andermatt i. Ehr werded dä Obig also ohni mich döre verbringe… 😉 (Däfür mit Stellvertretig @Witzelfitz… ;))

Allgemeins

#TwibiSG tuät öpis guäts…

sergey, 18.07.11, 5 kommentär

…grad hüt im Radio ghört. Es fehlt a Bluät i dä ganzä Schwiiz.

Wenn ich so drüber noodenk: Min letschte Bsuäch bim Bluetspendezentrum isch au schoo länger her.

Drum di churzi Umfroog vo mer: Het wer luscht beziehgswiis Intresse dra ame Obig / Samstigmorge sis Bluät goo spende goo? Eifach churz doo i dä Kommentär melde, dän chönd mer was organisiere. (Au wenn bi mer diä Wuchä schoo völlig verplant isch. 😉 Di nöchst chunt bestimmt… ;))

Update:

Mer gönd dä Samstig goo Bluätspende. Wer sich üs will aschlüsse: 08:30 vor em Huus 09 KSSG.

Allgemeins

TV mit Michi

sergey, 27.05.11, 2 kommentär

So. Und dän heted mer doch au än wiitere Star i üsere schöne TwibiSG Rundi.

Für all die wos nonig mitübercho händ, de Michi (@mmemichi) hät’s zweimol in TV gschafft.

Eimol bi TVO, wo sin Bloggerfilm am Samstig 14. Mai und Sunntig 15. Mai usgstrahlt worde isch – Link.

Und zum zweite mol, diä Wuche, woner bi joiz am Mike Red und Antwort gstande isch. Nebst dem das er äs paar Froge zum Thema blogge hät döre beantworte, sind au Twitterbier im Gspröch gsi, und, leider nein, hät er s’TwibiSG nöd direkt erwähnt. Strafe folgt. 😉

Luägäts eu doch eifacht a, und gnüssed dä Michi mit äs biz chürzere Hoor, bevor mer en dän hoffentlich am 14. (Terminasag chunt, kei Angst) selber mit Froge chönd löchere. 😉

Allgemeins

#TwibiAG nimmt Formen an

sergey, 10.03.11, 1 kommentar

Wow, das wiederum hätte ich nicht gedacht. In weniger als 48 Stunden hat der Didi das #TwibiAG lanciert, eröffnet und schon mal für den 31. März in Zofingen geplant. Coole Sache das. Da ich um 18:30 an dem Donnerstag käumlich in Zofingen sein werde, muss ich das mal aussen vorlassen. Hät mich aber gereizt, muss ich ehrlich sagen. Vielleicht ein andermal. 😉

Aber: Nichtsdesto trotz möchte ich euch anderen #TwibiSG Besucher auffordern, den bisher 18 ‚gemeldeten‘ Gästen aus dem Aargau und Zürich (teilweise Luzern) doch Gesellschaft zu leisten.

...was witer hine gschribe isch...