Biz elei sind mer gsi. Sechs Nase nur am #tuoasg13, gescht Nomitag.
Mer hend üs denn vom Jack Daniels weg bewegt und sind is Blues City hindere es Bier goo neh.
Was het mer chöne besser mache?
Klar. Es isch am OpenAir in St.Galle nöd eifach e Gruppe vo Lüüt z’gfinde womer möglicherwiis nöd kennt. Da’s aber zwei gschafft hend (@Luuuc und @Nici1879) isch es au nöd unmöglich. Evtl. wär es Plakat us Karton mit eme Stichwort (#tuoasg13 z.B.) kei doofi Idee. Wir werden sehen.
Was hend mer welle mache?
Plant gsi wer, e chlini Iführig zum Thema Cashless vom @hugentoblersg über z’choo. Leider isch er verhinderet gsi, was üse Plan biz über dä Huufe gworfe het.
Und jetzt?
Nei, nöd nur mimimi. Danke allne wo debi gsi sind, es het zwei drü cooli Gspröch geh, und mer het es paar neui Lüüt kenneglernt.
