Termin

Investieren? – Ja.

sergey, 09.10.11, 11 kommentär

Mit dem Tweet vo letscht Wuche vo dä @misslavender81 bin ich uf militaerkantine.ch ufmerksam worde.

Ich find: Mer söt das unterstütze und das Lokal glichziitig zumä lokale Treffpunkt für Twitterer mache.

Au wenn das langwilig tönt, immer und immer wieder is gliche Lokal z’go, bringts trotzdem en gwüsse Halt. Neui Twitterer wüssed denn genau wo das di alte Hase z’gfinde sind, und mer erlichtered ihne so dä Istieg i dä Bereich vom Social Media.

Was natürlich nöd heisse will das mer anderi Lokal nöd zum Zug choo lönd, noo stönd dä Bsuech bi dä biergarage uf em Terminplan, oder au min schoo lang Akündigte Bsuech i dä Kornhausbräu in Rorschach han ich nöd vergesse.

Drum dän nöchst Termin:

Wän?

Dä zweit Zistig im Monet Oktober isch dä 11.

Wo?

Kastaniehof

Ziit?

Ab 1830

Ameldig?

Doo in Blog damit ich bis am Zistigmittag chan reserviere.

Und: Joo, i weiss bin liecht verspötet dra. Hanget wohl am meiste demit zämä das die letschte zwei Wuche wieder mol äs biz mee vo mer gforderet händ als ich denkt han, und ich drum schlichtweg kei Ziit für än Post gha han. Kei Entschuldigung, aber än Versuäch.

Uund: Es würd mich freue, wenn trotz de relativ spoote Akündigung meh als eis zwei Lüüt chämted… 😉

Termin

Kastanie im Hof

sergey, 26.07.11, 25 kommentär

Obwohl mer s’letscht mol chli lang uf s’esse gwartet hend probierd mers nomol.

Wän?

Dä zweit Zistig im Monet August isch dä 9.

Wo?

Kastaniehof (oder aber zum @aditheeagle)

Ziit?

Ab 1830.

Ameldig?

Wiederum do in Blog.  Termin isch dä 07.08.11 2400 für d’Reservation.

Und: Wie obe schoo erwähnt chas sii das mer zum Adi gönd. (Biergarage). Gnauers gits aber ersch würkli ganz churz vorher. Stay tuned. 😉 Isch gstriche worde…