Ha doch denkt i mach mol en ufruef ah alli wo Bock hättend de Film Iron Sky im Kino gseh.
Er isch kurz vorlem letzte TwibiSG zur sproch cho via Capo und het mi den scho recht interessiert. Und den au nomol am Twibi vom 10.April.
I han eifachhalts halber en Doodle generiert wommer sich chan iträge wemmer luscht und lune het. Sicher gohts au via do im Blog oder via Twitter (döt glaubs am beschte direkt ah mi – sprich @serge_decker und nöd de @twibisg vollspamme 
) I werds den eifach im Doodle nochträge mit em Username/Name wemmer sich usserhalb vu Doodle ahmeldet.
De Trend isch jetzt scho chli ersichtlich, wird sehr wohrschinlich Samstig de 14te April nur isch Frog wege de Ziit… Würd so gad vorschloh 18:45 oder 21:00 so dasmer nochher no chli zemme höckle und über de Film diskutiere chan.
Meh Infos zum Film findet ihr uf http://www.ironsky.net/ selber oder natürlich i de IMDb
Ahmeldeschluss isch am Fritig de 13. April um 23:59Uhr so das i den glich no chönnti reserviere…
Kurz zemmegfasst: Ahmelde via Doodle, Blog oder Twitter ah @serge_decker
Kino Cinedome St.Galle mit em Film Iron Sky
Ahmeldeschluss Freitag der Dreizehnte 23:59Uhr
Hey zemä !
Zerst mal es dicks Entschuldigung, dass es so lang gange isch bis ich dä Post do anebrocht han. Isch irgendwiä Total untergange! Aber morn isch joh Twibi und den hani denkt muess das schono vorher use! (Versuech mich mal im Dialekt schriebe^^)
Wie ihr wüsset, hämmer joh es Lazerfun Turnier veranstaltet!
Details do:
http://twibisg.ch/2012/01/1-ostschweizer-twitter-lazerfun-turnier/
http://twibisg.ch/2012/02/1-ostschweizer-twitter-lazerfun-turnier-durchfuhrung/
Das isch jetzt dä Abschlüssend Post wo d Rangverlesig vorgnoh wird! 
Nurna en churze Rückblick! Es het saumässig spass gmacht zum Lazerfun mal z usprobiere! S Instruktionsvideo isch zwar chli lustig gsi, aber s Spiel isch doch eigetlich liecht verständlich
Also chöme mer zum Grosse Moment! D Rangverlesig! (Ich han mich mal us dä Wertig usekickt)
1. Rang goht ah! *Trommelwirbel*
@iteconomy – Herzlichi Gratulation
2. Rang gooht ah! *Trommelwirbel*
@andreas_bolli – Herzlichi Gratulation
3. Rang gooht ah! *Trommelwirbel
@rynam – Au do, Herzlichi Gratulation
Wer gern die ganz Rangliste gseh will –> http://goo.gl/MJPCs
Noh en churze Blick id Zuekunft:
In nöchster Ziit fangt d Planig vom 1. Ostschwiizer Twitter Brett- und Kartespiel obig ah! (Ade näme muessi noh es bitzli schaffe^^)
Bi Froge oder Wünsch oder Korrekture, schriebet ihr eifach en Kommentar oder uf Twitter
Liebi Grüäss
@Witzelfitz
Gescht dä Status vom @_AlexArnold uf Facebook gseh.
Gseit, gmacht. Doo dä Link: http://bit.ly/wsvUBa zum Dokument wie mer d’Pirate SG/AR/AI understütze chan.
Und damit mer dä Alex und dä @marcel_baur au noo i de Ziitig gsend (für diä wo kei 20min gseh händ hüt) und wie sie sich ime Podiumsgspröch schlönd.
Mit dem Tweet vo letscht Wuche vo dä @misslavender81 bin ich uf militaerkantine.ch ufmerksam worde.
Ich find: Mer söt das unterstütze und das Lokal glichziitig zumä lokale Treffpunkt für Twitterer mache.
Au wenn das langwilig tönt, immer und immer wieder is gliche Lokal z’go, bringts trotzdem en gwüsse Halt. Neui Twitterer wüssed denn genau wo das di alte Hase z’gfinde sind, und mer erlichtered ihne so dä Istieg i dä Bereich vom Social Media.
Was natürlich nöd heisse will das mer anderi Lokal nöd zum Zug choo lönd, noo stönd dä Bsuech bi dä biergarage uf em Terminplan, oder au min schoo lang Akündigte Bsuech i dä Kornhausbräu in Rorschach han ich nöd vergesse.
Drum dän nöchst Termin:
Wän?
Dä zweit Zistig im Monet Oktober isch dä 11.
Wo?
Kastaniehof
Ziit?
Ab 1830
Ameldig?
Doo in Blog damit ich bis am Zistigmittag chan reserviere.
Und: Joo, i weiss bin liecht verspötet dra. Hanget wohl am meiste demit zämä das die letschte zwei Wuche wieder mol äs biz mee vo mer gforderet händ als ich denkt han, und ich drum schlichtweg kei Ziit für än Post gha han. Kei Entschuldigung, aber än Versuäch.
Uund: Es würd mich freue, wenn trotz de relativ spoote Akündigung meh als eis zwei Lüüt chämted…
Joo, i weiss, eigentlich isch joo än Lokalwechsel gforderet worde. Aber s’esse isch guät, und da ich d’feststellig gmacht han, das än Lokalwechsel schlecht isch wenn ich nöd ume bin belönd mer das für äs wiiters mol ä soo.
Wän?
Dä zweit Zistig im Monet September isch dä 13.
Wo?
Kastaniehof
Ziit?
Ab 1830
Ameldig?
Doo in Blog, damit mini Stellvertretig @Witzelfitz alles chan sammle. Termin isch dä 12.9. 2400
Und: Jap. Ich schaffs wieder e mol. Glorricherwiis ruck ich am sebe Tag (13.9) zum WK uf Andermatt i. Ehr werded dä Obig also ohni mich döre verbringe… (Däfür mit Stellvertretig @Witzelfitz… )
…grad hüt im Radio ghört. Es fehlt a Bluät i dä ganzä Schwiiz.
Wenn ich so drüber noodenk: Min letschte Bsuäch bim Bluetspendezentrum isch au schoo länger her.
Drum di churzi Umfroog vo mer: Het wer luscht beziehgswiis Intresse dra ame Obig / Samstigmorge sis Bluät goo spende goo? Eifach churz doo i dä Kommentär melde, dän chönd mer was organisiere. (Au wenn bi mer diä Wuchä schoo völlig verplant isch. Di nöchst chunt bestimmt… )
Update:
Mer gönd dä Samstig goo Bluätspende. Wer sich üs will aschlüsse: 08:30 vor em Huus 09 KSSG.
Oder andersch ume. Egal. Uf jede Fall würded mer (@marcel_baur und @serge_bosshard) gern mol luege, wie viel vo dä verruckte Twitterer vom #TwibiSG das äs as OpenAirSG schaffed. (Vorussetzig isch notürlich äs Ticket für’s OpenAir.)
Treffpunkt isch am Samstig (2. Juli) am drü (15 Uhr) bim Jack Daniels Stand. Wer noo gnau muäs wüsse wo das isch: Doo git’s än Gländeplan.
So. Und als chlises Goodie mached mer doo noo ä chlini Amerkig: Für all #TwibiSG Twitterer wos döt here schaffed git’s ä chlini Überraschig.
(By the way: Doo ich min Isatzplan nonig überchoo han, bestoht d’Möglichkeit das ich selber nöd a dem chline Treffe werd debi sii… Wir werden sehen… )
Ganz vergesse: Wer sich sicher isch das er chan choo, söll doch das eifach rasch i de Kommentär vermerke. Merci.
