Termin

sunnig und liecht bewölkt

sergey, 05.07.13, 4 kommentär

Momentani Wetter verusse. Was will mer meh? Am liebste s’Lebe gnüsse. Oder sich mit anderne Twitterer treffe.

Drum doo, s’nöchst Datum!

Wän?

11. Juli isch dä zweit Donnstig im Monet

Wo?

Au wenn ich zwüsched de Ziile chan lese, dä Papagei passt.

Ziit?

Wie immer ab 1830

Ameldig?

Doo als Kommentar oder a @twibisg. Merci!

zrugg gluägt

Dä Strand!

sergey, 12.07.12, 1 kommentar

Wohl dä schönscht Strand i dä Ostschwiiz! Füüf unerschrockeni Twitterer (und ein nicht Twitterer… ;)) hend Tiki Strandbar unsicher gmacht am Zistig.

Feststellig: Sehr schöns Plätzli am wohl schönschte See vo dä Schwiiz (oder Welt?), leider kei WLAN… :P, s’OpenAir SG isch noo immer Thema und bi schönem Wetter wärs gad nomol um länge schöner… 😉

Mit vo de Party: @bitzgi1, @KlisesSpinnerli, @capo42, @rynam, Noxis und mini wenigkeit. 🙂

Seged eu eis versichered: Mer gönd wieder mol, aber denn bitte mit es biz meh Lüüt! 😉

Termin

Ab an Strand!

sergey, 27.06.12, 10 kommentär

Ich will ned bi heiterem Sunneschii dä Obig innere Beiz verbringe. Drum: Ab an Strand! Aber wo, werded Ihr eu jetzt frooge. Ganz eifach: Tiki Strandbar in Goldach!

Als erschts: D’Charte, da mer sowieso ä neus Fenster muäs uftuä als Link. Und jetzt d’Beschriebige däzuä!

A -> Mögliche Parkplatz am See. (Git uf de Höchi vo B nebed de Gastänk nomol eine)
B -> Standort vo de Tiki Strandbar.
C -> Bushaltestell Rietbergstrasse
D -> Haltestell Rorschach Hafen SBB (z’Fuäss guät erreichbar)
E -> Haltestell Goldach SBB (vom Bahnhof aus via Hauptstrasse – Schulstrasse und Rietbergstrasse isch d’Strandbar guät erreichbar.)

Wän?

Dä zweit Zistig im Monet Juli isch dä 10.

Wo?

Wie bereits gseit: Tiki Strandbar in Goldach.

Ziit?

Ab 1830

Ameldig?

Doo in Blog oder als Tweet a @twibisg

Alternative!

Die Alternative tritt erscht i wenn am gliche Tag würd akündiget werde das d’Strandbar ned offe isch, somit würded mer üs i dä Kornhuusbräu treffe. Ich setz jetzt aber druf das es schön isch a dem Tag. 😉

zrugg gluägt

Grosse Adrang

sergey, 23.07.11, kommentiere ?

Het’s gee hüt am morge im Regionale Bluetspendezentrum in SG. (KSSG Huus 09 falls mer das wieder mol mached. ;))

Vo dä ‚agmeldete‘ vier sind mer z’dritte gsi. @zgeniko und @witzelfitz und mini Wenigkeit. Für di andere zwei isch äs s’erscht mol gsi.

Noch em Spende hend mer döt noo z’morge gesse und händ noo über dies und das diskutiert… 😉

Hät Spass gmacht. Und mer gönd wieder… 😉

zrugg gluägt

rückblickend…

sergey, 14.07.11, kommentiere ?

Lieber z’spoot als nie heisst’s doch amigs soo schön… Zum Glück hät üs z’Sunrise joo s’Internet abgstellt und i bi eher schlecht als recht z’Gang choo. Egal soowit.

Zum Zistig git’s eigentlich nüm viel z’sege. Mit weniger Lüüt als au schoo, aber mit mee Diskussione und Idee, wovo äs paar sicher au umgsetzt werded. Macht immer wieder Spass mit eu bi Diskussione zu aktuelle Theme z’hocke. 😉

Ä churzi Liste mit Teilnehmer: @_annubis_, @sabrinasauder, @aditheeagle, @dachantenne, @klisesspinnerli, @kopfchaos, @noxis, @andreas_bolli, @zgeniko und @stephansigg (und miini Wenigkeit natürlich… ;))

Noo ä chlini Amerkig am Rand: Vom @kerli81 händ mer noo än liebe Gruäss us Südafrika überchoo. (Mit dem Tweet uf Twitter. ;))

zrugg gluägt

#TwibiSG goes #OASG Backstage

sergey, 04.07.11, 1 kommentar

Dank @aditheeagle durften die wenigen Twitterer (und nicht Twitterer) eine kurze und schmerzlose Führung mit Fakten und Zahlen zum OpenAir St.Gallen geniessen.

Einen Dank dafür von mir, denn selbst bin ich einer der kleinsten Fische die im Strom mitschwimmen als Helfer am OpenAir. 😉

Und wer es verpasst hat: Vielleicht erbarmt sich der Adi für eine weitere Führung nächstes Jahr. 😉

Termin

Let’s do it again…

sergey, 28.06.11, 19 kommentär

Dä Standort isch guät. Kauft. Oder so ähnlich. 😉

Wän?

Dä zweit Zistig im Monet Juli isch dä 12.
Wo?

Altbekannt, mit gnuäg Platz: Kastaniehof in SG.

Ziit?

Ab 1830. Wer fruäner döt isch… 😉

Ameldig?

Wie immer doo in Blog. Und das bis am 11.07.11 2400 damit ich chan Plätz reserviere.

Und: Nichts anzufügen. Freu mi druf. 😉

Termin

#TwibiSG goes OpenAirSG

sergey, 15.06.11, 9 kommentär

Oder andersch ume. Egal. Uf jede Fall würded mer (@marcel_baur und @serge_bosshard) gern mol luege, wie viel vo dä verruckte Twitterer vom #TwibiSG das äs as OpenAirSG schaffed. (Vorussetzig isch notürlich äs Ticket für’s OpenAir.)

Treffpunkt isch am Samstig (2. Juli) am drü (15 Uhr) bim Jack Daniels Stand. Wer noo gnau muäs wüsse wo das isch: Doo git’s än Gländeplan.

So. Und als chlises Goodie mached mer doo noo ä chlini Amerkig: Für all #TwibiSG Twitterer wos döt here schaffed git’s ä chlini Überraschig. 😉

(By the way: Doo ich min Isatzplan nonig überchoo han, bestoht d’Möglichkeit das ich selber nöd a dem chline Treffe werd debi sii… Wir werden sehen… ;))

Ganz vergesse: Wer sich sicher isch das er chan choo, söll doch das eifach rasch i de Kommentär vermerke. Merci.