Warning: Declaration of USC_Text_Diff_Renderer::_lines($lines, $prefix, $class) should be compatible with Text_Diff_Renderer::_lines($lines, $prefix = ' ') in /home/steckdos/public_html/twibisgch/wp-content/plugins/ultimate-security-checker/securitycheck.class.php on line 1147
#twibisg 2011 Mai

Termin

Killerkriterium

sergey, 31.05.11, 31 kommentär

Joo, mitemene Killerkriterium mönd mer üs leider vom US Mex wieder trenne.

Wän?

Dä zweiti Zistig im Monät Juni isch dä 14.

Wo?

Stattfinde tuät das ganze uf Empfehlig vo mehrere Bsuächer s’nöchst mol im Kastaniehof nebet dä Chrüzbleichihalle.
Größere Kartenansicht

Ziit?

Starte tuänd mer am 1830. Wer fruäner döt isch… 😉

Wer?

Hoffentli genau so viel wiä letscht mol. 😉 Aber im Allgemeine: Alli Twitterer und Blogger us üsem und au allne anderne Kantön vo dä Schwiiz sind iglade.

Ameldig?

Doo in Blog ine, wiä immer. 😉 Das bitte bis am 13.6.11 12:00 damit ich d’Plätz au chan reserviere döt, weiss joo nöd wiä gross dä Adrang dän isch. 😉 Hoffentli isch s’Wetter einigermasse aständig damit mer mol chönd dusse hocke. 😉 (Ussert ihr sind doo komplett dägege, dän eifacht melde bitte. ;))

Und: Da schoo fascht alles gseit worde isch, möcht ich mich eigentlich doo churz bi allne wo bis jetzt cho sind ganz herzlich bedanke. Nur wenn au so viel chömed macht’s richtig Spass zum sowas organisiere. 😉 Merci eu allne.

Allgemeins

TV mit Michi

sergey, 27.05.11, 2 kommentär

So. Und dän heted mer doch au än wiitere Star i üsere schöne TwibiSG Rundi.

Für all die wos nonig mitübercho händ, de Michi (@mmemichi) hät’s zweimol in TV gschafft.

Eimol bi TVO, wo sin Bloggerfilm am Samstig 14. Mai und Sunntig 15. Mai usgstrahlt worde isch – Link.

Und zum zweite mol, diä Wuche, woner bi joiz am Mike Red und Antwort gstande isch. Nebst dem das er äs paar Froge zum Thema blogge hät döre beantworte, sind au Twitterbier im Gspröch gsi, und, leider nein, hät er s’TwibiSG nöd direkt erwähnt. Strafe folgt. 😉

Luägäts eu doch eifacht a, und gnüssed dä Michi mit äs biz chürzere Hoor, bevor mer en dän hoffentlich am 14. (Terminasag chunt, kei Angst) selber mit Froge chönd löchere. 😉

zrugg gluägt

agnehm, ruhig

sergey, 11.05.11, 2 kommentär

Mit dene zwei Adjektiv würd ich jetzt dä Obig vo gescht umschribe, churz und knapp halt. 😉

Nebst dä normale Diskussione zum Thema Technik, Apple, Windows und suschtige Sache, hend mir au äs biz mit Tabutheme broche. Politik, diä wildeste Idee und noo vili hunderti Sache sind im Gspröch gstande. Thema Nr.1 wenn’s um Fotene gange isch: Twitpic. Gfundes Fresse zum üs äs biz underhalte. Oder underhalte loo.

So, und jetzt chunt di bisher längst Liste vo #TwibiSG Teilnehmer. 😉

@marcel_baur, @danloc_sg, @_AlexArnold, @kerli81, @andreamima, @kopfchaos, @capo42, @witzelfitz, @sabrinasauder, @andreas_bolli, @dachantenne, @serge_decker, @_annubis_, @thomasgemperle und mini wenigkeit. 😉

Und noo als chline Bildbewis: