«
»

Termin

OFFA. Let’s go.

sergey, 29.03.11, 16 kommentär

Okay. Probiered mer mol ä Terminasag uf St.Gallerdütsch. ;)

Nochdem dä letscht Biitrag joo wieder uf Hochdütsch gsi isch, probier i jetzt mol us dem Muster usechoo… :P

Also, folgendermasse: Da sich letschtmol Stimme breit gmacht hend, wo gseit hend mer sölled doch im April ad Offa goo, han ich mer das zu härzä gnoo und mol rasch än Termin usegsuächt. (Aso dä Termin stoht joo eigentlich schoo, jetzt fählt nur noo dä rescht… ;))

Wän?

Dä zweit Zistig im Monät April wär dä 12.

Wo?

Und doo wird’s jetzt schwierig. Da ich nöd selber a dä Offa än Stand han, chan ich eu joo au nöd ilade. Zudem wird das ganze no biz verschärft durch mini abweseheit. Aber säb dörfti weniger ä Rolle spile. ;)

Würd sägä als Treffpunkt nämed mer: Restaurant Röstipfanne

Wer denn no a d’Offa witerwoot chan das vor Ort mit dä anderne organisiere, so isch sichergstellt das mer sich inere gmuätliche Rundi chan treffe und nimmert däzuä zwunge wird äs Ticket für d’Offa z’chaufe wo das nid will.

Ziit?

1830 isch än subere Termin, do däbi blibed mer.

Wer?

Äs döred sich all melde. Aso cho, eigentli, sowiit. ;) I glaub dä speziell ufruäf ad Fraue muäs i nüm mache, het jetzt hoffentli gnuäg eigedynamik däbi… ;)

Ameldig?

Wiä immer do im Blog bitte. Somit chan i für eu d’ameldig im Restaurant mache damit er gnuäg Platz hend…

Und: Es stoht immer no d’Möglichkeit offe das sich nebert, oder zwei bi mer chönd melde wo au mol än Termin wönd uf d’Bei stelle. ;)

UUnd: Wie obe schoo erwähnt muäs ich mich gad schoo mol diskret vo däm #TwibiSG abmelde. Mich verschlohts eimol churz id Region Bern für s’liäbä Vaterland.

16 kommentär

Än Kommentar hinderloo...

Er döred au uf Sankt Gallerdütsch kommentiere. Und notürli immer bim Thema blibe. Kommentär wärded kontrolliert und s'erscht mol freigschalte.

Erlaubti Tags:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Protected with IP Blacklist CloudIP Blacklist Cloud

«
»